Türkiyədə son sutka ərzində koronavirusdan 71 nəfər dünyasını dəyişib, 1 511 nəfər isə virusa yoluxub. ONN media xəbər verir ki, bu barədə ölkənin Səhiyyə naziri Fahrettin Koca bildirib. O qeyd edib ki, ölkədə COVID-19-dan ölənlərin sayı 7 929-a, yoluxanların sayı isə 312 966-ya yüksəlib. Son 24 saat ərzində 1 232 nəfər sağalaraq xəstəxanadan evə buraxılıb. Ümumilikdə sağalan xəstə sayı 274 514-ə çatıb.