Bu gün İranın qərbində baş vermiş 4,3 bal gücündə zəlzələ nəticəsində azı 36 nəfər xəsarət alıb.

Bu barədə ONN media “RİA Novosti”yə istinadən xəbər verir.

Təkanlar Borucərd şəhəri yaxınlığındakı Lorestan əyalətində 10 km dərinlikdə qeydə alınıb.

İlkin məlumata görə, zəlzələ nəticəsində bəzi yaşayış binalarına ziyan dəyib.

Əyalətin Böhran Vəziyyəti üzrə Xidmətinin nümayəndəsi Reza Əryainin sözlərinə görə, insanlar evlərini tərk etmək istədikdə xəsarət alıblar.

Məlumata görə, xəsarət alanların hamısı xəstəxanaya çatdırılıb. Həkimlərin müayinəsindən sonra yalnız 2 nəfər tibb müəssisəsində saxlanılıb, digərləri ilk tibbi yardım göstərildikdən sonra evə buraxılıb.

ONN İnformasiya Agentliyi
Çap Et

Ərdoğan İrana başsağlığı verdi