Bakıda yerləşən və Bakı Şəhər İcra Hakimiyyətinin tabeliyində olan bağçalar fəaliyyət göstərmir.

ONN media bildirir ki, aprelin 5-dən Bakı, Sumqayıt, Gəncə, Şəki şəhərləri və Abşeron rayonundakı bağçaların fəaliyyəti ilə bağlı qərar verilmişdi.

Bildirilirdi ki, aprelin 5-dən Bakı başda olmaqla sözügedən şəhər və rayonlarda dövlət və özəl məktəbəqədər təhsil müəssisələri bağlanacaq. Məlumatı Bakı Şəhər İcra Hakimiyyəti təsdiqləmişdi.

Lakin sonradan təhsil naziri Emin Əmrullayev canlı yayında bağçaların bağlanmayacağını açıqladı. Bildirdi ki, qərar ləğv olunub.

Bu iki fərqli qərar aprelin 3-də elan olunsa da dolğun izah verilmədi.

Aygün Kazımova qaçırılıb?- ŞOK İDDİA

Bu gün isə bir çox valideynlərə məlum olub ki, hazırda Bakı Şəhər İcra Hakimiyyətinin tabeliyində olan bağçalar işləmir.

“Təhsil nazirinin dedikləri bizim bağçalara aid deyil. Nazir açıqlama verəndən sonra Bakı Şəhər İcra Hakimiyyətindən bizə bildirildi ki, nazir dedikləri bu bağçalara aid deyil”, – deyə həmin bağçalardan bildiriblər. (musavat.com)

ONN İnformasiya Agentliyi
Çap Et