Bu barədə cərimələnən Anar Şahbazov bildirib.

Onun sözlərinə görə, 1 mart tarixində Bakıxanov ərazisində avtomobil yolun hərəkət hissəsinin ikinci zolağında park edildiyi üçün sürücü 80 manat və 2 bal cərimə cəzası alıb. Ancaq məsələ ondadır ki, sürücüyə göndərilən foto-sübutda hərəkət yolunun ikinci zolağında park edilən maşın ona məxsus deyil.

Şikayətçi bildirib ki, ona aid maşın nəinki ikinci hərəkət zolağında, heç zolaqda da deyil, ümumiyyətlə, orda olmayıb. Üstəlik, park edilən maşının rəngi, markası tamamilə fərqlidir: qanunsuz parkinqdə olduğu görünən avtomobil ağ rəngli “KİA Sporteg”dir, nömrəsi isə 77 VG 759. Anar Şahbazovun maşını isə “KİA-nın tam fərqli modelidir, həm də rəngi qara, üstəlik nömrələr arasında da heç bir oxşarlıq yoxdur. A.Şahbazovun avtomobilinin dövlət nömrə nişanı 90 VP 057-dir.

Şikayətçinin sözlərinə görə, DİN-in 102 qaynar xətti də daxil olmaqla, müxtəlif yerlərə şikayət ünvanlasa da, heç bir əhəmiyyət verilmir.

“O ki qaldı məhkəmə yolu ilə cərimənin ləğv etdirilməsinə, bu, ədalətsizlikdir. Deməli, hər dəfə bu cür anlaşılmazlıq zamanı biz məhkəməyə müraciət edib, vaxt itirməliyik? Orda mənim avtomobilim olarsa və cərimə ilə razılaşmasam, məhkəməyə müraciət edərəm. Ancaq fakt odur ki, maşın fərqli, nömrə tam başqadır. Bu cəriməni səhvən göndəriblərsə, düzəltməlidirlər, mən buna görə niyə əziyyət çəkməliyəm”, - şikayətçi vurğulayıb.

***

“Məsələ tərəfimizdən araşdırılıb və texniki xəta aradan qaldırılıb”, - o əlavə edib