ABŞ Yəməndə Səudiyyə Ərəbistanına verdiyi hərbi dəstəyi kəsib.

ONN media xəbər verir ki, bu barədə ABŞ Prezidenti Cozef Bayden bildirib.

Onun sözlərinə görə, qərar çərçivəsində nəzərdə tutulan silah satışı da dayandırılıb: “Bu savaş artıq bitməlidir. Bu məsələdəki vədimizi yerinə yetirə bilmək üçün hərbi dəstəyimizə son veririk”.

Baydenin qərarına Səudiyyə Ərəbistanının cavabı gecikməyib. Ər-Riyad hökuməti ABŞ-ın Yəmənin ərazi bütövlüyünü tanımasından məmnunluğunu dilə gətirib və ölkədəki müharibənin sonlanması üçün işləməyi arzu etdiklərini bildirib.

Ərdoğan: Türkiyə İsraillə bu əlaqələrini kəsmək qərarına gəldi

Müharibənin digər cəbhəsi olan İran dəstəkli Husi təşkilatı da qərardan razı qalıb. Husilərin qanunsuz Xarici işlər naziri Hişam Şərəf “Əl-Mayadin” kanalına müsahibəsində ABŞ tərəfindən Yəməndəki savaşı sonlandırmaq və ölkənin mühasirədən çıxması üçün atılacaq hər bir addımı məmnuniyyətlə qarşıladıqlarını açıqlayıb.

ONN İnformasiya Agentliyi
Çap Et