Polis İrəvanda prokurorluğun binasının qarşısında aksiya keçirən çoxlu sayda etirazçını saxlayıb.
Bunu Daşnaksütyun Partiyasının üzvü Artsvik Minasyan deyib.
Məlumata görə, polislə etirazçılara arasında toqquşmalar baş verib. Etirazçılar Baş prokuror Artur Davtyanın onların suallarını cavablandırmalarını tələb ediblər. Lakin prokurorluqdan bildirilib ki, Davtyan məzuniyyətdədir.
Toqquşmalar nəticəsində bir polisin ürəyi gedib.
Minasyan aksiya iştirakçılarını polis kordonundan bir-iki addım geri çəkilməyə çağırıb.