“Formula 1” üzrə Yaponiya Qran Prisi ləğv olunub.
ONN media xəbər verir ki, bu barədə məlumatı “Formula 1”in mətbuat xidməti yayıb.
Məlumata əsasən, koronavirus səbəbindən bu il Yaponiyada keçirilməli olan yarışlar ləğv edilib.
Həmçinin qeyd olunur ki, “Formula 1” hazırda təqvim üzərində çalışır və yaxın günlərdə yekun detalları açıqlayacaq.
Qeyd edək ki, “Formula 1” üzrə Yaponiya Qran Prisi oktyabrın 8-dən 10-na kimi keçirilməli idi. Yaponiya Qran Prisi koronavirus səbəbindən 2020-ci ildə də ləğv edilmişdi.