Amerikalı zooloqlar Karib dənizində çəkicbaş köpəkbalığının yeni növünü aşkar edib və onun DNT analizini aparıblar.

ONN media TASS-a istinadən xəbər verir ki, Karib dənizindəki çəkicbaş köpəkbalığı bir neçə milyon il əvvəl Şimali Amerika yaxınlığındakı sularda eyni növdən olan balıqlardan ayrılıb və onlarla cütləşmək əlaqəsini kəsib.

Florida Universitetinin mətbuat xidmətinin yaydığı məlumata görə, DNT testi üçün bioloji material verən balıq 2016-cı ildə Belizdə (əvvəlki Britaniya Hondurası) köpəkbalıqlarını nişanlamaq ekspedisiyası çərçivəsində tutulub. Balıq ABŞ sahillərində Atlantik sularında yaşayan eyni növə zahirən oxşasa da genetik cəhətdən ondan fərqlənir.

Florida Universitetinin press-relizində yazılıb: “İki qrup arasında cütləşmənin kəsilməsi bir növün bölünməsini müəyyənləşdirən əlamətdir. Nyu-York ştatının Stouni-Bruk Universitetindən Endryu Fildsin apardığı DNT analizi nəticəsində Belizdə işləyən komanda sübut edib ki, bu ərazidəki çəkicbaş köpəkbalığı Meksika, ABŞ və Baham adalarında eyni növlə cütləşmə əlaqəsini çoxdan kəsib. Bu müddətdə iki qrupu ayıran genetik fərqlər formalaşıb”.

İdeal valideyn olmaq üçün nə etmək lazımdır?

Ekoloji tədqiqatlarla paralel olaraq yeni köpəkbalığının qeydiyyata alınması və ona latınca ad verilməsi işi də aparılır.

ONN İnformasiya Agentliyi
Çap Et