Avqustun 6-sı saat 09 radələrində partlamamış silah-sursatın axtarışı ilə bağlı Ağdam rayonunun Baş Qərvənd kəndinə ezam olunmuş Azərbaycan Respublikasının Minatəmizləmə Agentliyinin əməkdaşı 1990-cı il təvəllüdlü Əliyev Fərid Əlimusa oğlu piyada əleyhinə minaya düşməsi nəticəsində müxtəlif dərəcəli bədən xəsarətləri alıb.

ONN media xəbər verir ki, bu barədə Ağdam Rayon Prokurorluğu məlumat yayıb.

Qeyd olunub ki, prokurorluq əməkdaşları hadisə yerinə baxış keçirib, məhkəmə-tibb ekspertizası təyin edilib, digər prosessual hərəkətlər yerinə yetirilib.

Faktla bağlı Ağdam Rayon Prokurorluğunda araşdırma aparılır.

xxx

ANAMA-nın əməkdaşı minaya düşüb.

Hadisə Ağdamın işğaldan azad olunan ərazisində baş verib.

Ağdamın Baş Qərvənd kəndindən Uzun Dərə kəndinə çəkilən yeni yolun minalardan təmizlənməsi zamanı partlayış olub.

Hadisə nəticəsində yaralanan ANAMA-nın əməkdaşı Fərid Əliyev Bərdə Rayon Mərkəzi Xəstəxanasına yerləşdirilib.