ABŞ-da "United Airlines” aviaşirkətinə məxsus təyyarə planlaşdırılmamış eniş edib.
ONN media xəbər verir ki, buna səbəb hava gəmisinin göyərtəsində itin aşkar edilməsi olub.
Təyyarənin Nyuark-Sent-Luis marşrutu ilə hərəkət etdiyi bildirilir. Aviaşirkətdən deyiblər ki, it təyyarəyə səhvən yerləşdirilib.
Sonradan o Oqayo ştatının Akron şəhərində yaşayan sahiblərinə qaytarılıb.
Təyyarənin bütün sərnişinlərinə təzminat ödəniləcəyi qeyd olunur.