Tiktok fenomeni kimi tanınan İlduzə Hacıyevanın (Arzum) həbsindən sonra qəzada həyatını itirən Amal Məlikovla bağlı yeni məlumatlar ictimai müzakirələrə səbəb olub. Mərhumun əvvəllər xuliqanlıq və narkotik vasitələrin qanunsuz dövriyyəsi ilə bağlı cinayət məsuliyyətinə cəlb edildiyi iddia edilir.
ONN media xəbər verir ki, ABŞ-da yaşayan jurnalist Qənirə Ataş sosial şəbəkə hesabında məhkəmə sənədləri paylaşaraq Amal Məlikovun keçmiş məhkumluqları barədə məlumat yayıb.
Paylaşılan sənədlərə əsasən, Amal Məlikov 2021-ci ildə xuliqanlıqla bağlı cinayət işi üzrə təqsirli bilinib. Məhkəmə materiallarında onun başqa bir şəxslə birlikdə ictimai qaydanı kobud şəkildə pozmaqda, mübahisə və zor tətbiqi ilə müşayiət olunan hadisədə iştirak etməkdə günahkar sayıldığı qeyd olunur. pizza sifarişi
Bundan başqa, yayılan sənədlərdə bildirilir ki, 2022-ci ildə Amal Məlikovun üzərindən 2,262 qram heroin aşkar edilib. Bununla əlaqədar o, Azərbaycan Respublikası Cinayət Məcəlləsinin 234.1-ci maddəsi ilə təqsirli bilinərək 1 il 6 ay müddətinə azadlıqdan məhrum edilib. Hökmdə həmçinin onun narkomaniyadan məcburi müalicəyə cəlb olunması barədə qərarın verildiyi göstərilir.
Qeyd edək ki, son günlər ölkə gündəmini zəbt edən qəza işi üzrə məhkəmə qərarı ilə Tiktok fenomeni Arzum kimi tanınan İlduzə Hacıyeva 5 il 2 ay müddətinə azadlıqdan məhrum edilib. Hökm elan edildikdən dərhal sonra o, məhkəmə zalında həbs olunaraq cəzasını çəkmək üçün ümumi rejimli cəzaçəkmə müəssisəsinə göndərilib.
Amal Məlikovla bağlı yayılan məhkəmə sənədləri sosial şəbəkələrdə geniş müzakirələrə səbəb olub. Bununla belə, hüquqşünaslar xatırladırlar ki, qəzada həyatını itirən şəxsin keçmiş məhkumluğu həmin yol-nəqliyyat hadisəsi üzrə məhkəmə tərəfindən qiymətləndirilmiş faktları və çıxarılmış hökmü dəyişdirmir