İtaliyada keçirilən parlament seçkilərində səsvermə başa çatıb.

ONN media-nın TASS agentliyinə istinadən verdiyi xəbərə görə, yerli vaxtla saat 23:00-da ölkədə bütün seçki məntəqələri bağlanıb.

Seçkilərdə İtaliya parlamentinin aşağı palatasına 630 deputat, yuxarı palatasına 315 senator seçiləcək. Ümumilikdə, 31 partiyadan 7762 nəfərin namizədliyi irəli sürülüb. Rəy sorğularına görə, heç bir siyasi qüvvə 40%-liq həddi aşa bilməyəcək.

Bununla belə İtaliyanın sabiq baş naziri Silvio Berluskoninin "İrəli, İtaliya!", Matteo Salvininin “Liqa” və Corci Meloninin “İtaliya Qardaşları” partiyaları seçkilərin favoriti hesab edilir.