Milli Hidrometeorologiya Departamentinin saat 20:00-a olan məlumatına görə, şimal-qərb küləyi arabir Bakıda 35 m/s, Sumqayıt və Pirallahıda 34 m/s, Neft Daşlarında 31 m/s-dək güclənib, dalğanın hündürlüyü 7 metr olub.

ONN media Ekologiya və Təbii Sərvətlər Nazirliyinə istinadən xəbər verir ki, Sumqayıt, Bakı, Binə, Maştağa, Zabrat, Pirallahı, Naxçıvan, Ordubad, İsmayıllı, Mərəzə, Altıağac, Xaçmaz, Quba, Qusar, Kürdəmir, Sabirabad, Cəfərxan, Salyan, Biləsuvar, Lənkəran, Neftçala, Şabran, Nabranda yağış yağıb. Xaltan, Qırız, Xınalıq və Şahdağda isə qar yağıb. Ölkə ərazisində qeyri-sabit, yağıntılı hava şəraitinin noyabrın 4-ü gündüzədək davam edəcəyi, güclü şimal-qərb küləyinin 3-ü səhər saatlarından tədricən mülayimləşəcəyi gözlənilir.