Bu gün müşahidə edilən yağışlı və küləkli hava sabahdan etibarən mülayimləşəcək. ONN media xəbər verir ki, bu sözləri açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova deyib. “Hazırda müşahidə olunan yağışlı hava şəraiti yanvarın 12-nə qədər davam edəcək. Yanvarın 12-də gündüz saatlarında hava nisbətən mülayim keçəcək. Lakin gecə saatlarında Bakıda cənub-qərb küləyi əsəcək, bəzi dağlıq və dağətəyi rayonlarda isə yağış yağacaq”.