Bu gün müşahidə olunan çiskinli və yağmurlu hava şəraiti fevralın 23-nə qədər davam edəcək.

Bu sözləri ONN media-ya açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova deyib.

“Bakıda və Abşeron yarımadasında fevralın 22-i və 23-ü buludlu hava şəraitinin üstünlük təşkil edəcəyi, gecə və səhər bəzi yerlərdə çiskinli yağış yağacağı, duman olacağı gözlənilir. Fevralın 24-də ölkə ərazisində hava şəraiti mülayim və əsasən yağmursuz keçəcək”.