“Mən, ümumiyyətlə, yaradıcı prosesə həssaslıqla yanaşmanı tövsiyə edirəm. Xüsusilə nüfuzlu insanların mahnılarını belə tərzdə ifa etmələrinə qarşıyam”. ONN media xəbər verir ki, bu sözləri Mədəniyyət naziri Əbülfəs Qarayev müğənni Afət Fərmanqızının Nəsiminin qəzəlini ifa etməsinə münasibət bildirərkən deyib. O qeyd edib ki, daxili nizam olmalıdır: “Elə əsərlər var ki, uğurlu və uğursuz olur, tənqidlərə məruz qalır. Buradan tövsiyə edirəm ki, Azərbaycanın böyük tarixi mirası var. Bunu müasir şəkildə, yeni formalarda təbliğ etməkdə nümunə olmalıdırlar. Heç olmasa, bu işlərdə çərçivə müəyyən edilsin və ictimai nəzarət olsun. Çünki Azərbaycan televiziyalarında senzura yoxdur, biz qadağa qoya bilmərik. Mən rəsmi məktub yaza bilərəm ki, bu kimi nümunələrin yayılmasına nəzarət etsinlər. Amma sosial şəbəkələrə necə qadağa qoymaq olar. Yenə də deyirəm bu birbaşa insanların daxili mədəniyyətindən asılıdır”.