“Türkiyə Silahlı Qüvvələri cənab prezidentimizin istiqamətləndirmələri əsasında Suriya və İraqın şimalında, Şərqi Aralıq dənizində millətimizin haqq, əlaqə və maraqlarını qoruyarkən, eyni zamanda, Liviya və Qarabağda qardaşlarımıza dəstək olmaqdadır”. ONN media  xəbər verir ki, bunu Türkiyənin Milli Müdafiə naziri Hulusi Akar Çanaqqala zəfərinin 106-cı ildönümü ilə əlaqədər yayımladığı mesajda qeyd edib. “Bu gün birlik və bərabərliyimizə qəsd edənlərə qarşı ən gözəl cavab ölkə daxilində və xaricindəki şəhid məzarlıqlarıdır. Dünən vətənimizi işğal etməyə cəhd göstərən qarşısında qanının son damlasına qədər vuruşan “Mehmetçik” bu gün də eyni ruhla vətən torpaqlarımızın, səmalarımızın və 84 milyon vətəndaşımızın təhlükəsizliyinə istiqamətlənəcək başda FETÖ, PKK/YPG və İŞİD olmaqla, hər cür təhdid və təhlükəyə qarşı əzm və qətiyyətlə mübarizəsini davam etdirir”, - Akar bildirib.