Xalq artisti, xanəndə Arif Babayev əməliyyat olunub.

ONN media bildirir ki, bu haqda Xalq artisti Sputnik Azərbaycan-a açıqlamasında məlumat verib.

O səhhəti ilə bağlı son durumdan danışıb: “Hazırda özümü çox yaxşı hiss edirəm. Qonaqlarımla birgə oturmuşuq, onlar məni tez-tez ziyarət edirlər. Hər şey qaydasındadır”.

Heydər Əliyev Fondunun dəstəyi ilə türkiyəli həkimlər tərəfindən əməliyyat olunduğunu söyləyən Xalq artisti səhhətində yaranan problemdən danışıb: “Yıxıldığım üçün onurğa sütunum çatlamışdı. Bu isə məndə narahatlıq yaradırdı. Bir müddət idi ki, bu problemdən əziyyət çəkirdim, ağrılarım vardı”.

Azərbaycanda ilk dəfə Milli Xalça Festivalı keçirilir 

Qeyd edək ki, xanəndə fevralın 10-unda Bakıda yerləşən xəstəxanaların birində əməliyyat olunub.

ONN İnformasiya Agentliyi
Çap Et