Gürcüstanın müdafiə naziri Xuanşer Burçuladzenin başçılıq etdiyi nümayəndə heyəti Ermənistanda rəsmi səfərdədir.

 ONN media xəbər verir ki, bu barədə Ermənistan Müdafiə Nazirliyi məlumat yayıb.

İrəvanda səfərdə olan Gürcüstanın müdafiə nazirinin erməni həmkarı ilə təkbətək, daha sonra isə nümayəndə heyətlərinin iştirakı ilə  geniş tərkibdə görüş keçirilib. 

Ermənistanın müdafiə naziri Ermənistan-Azərbaycan sərhədindəki vəziyyət barədə gürcü həmkarını məlumatlandırıb. 

Müzakirə zamanı sülhün bərqərar olmasının vacibliyi və regionda dayanıqlı inkişafın zəruriliyi vurğulanıb.

Görüşdə həmçinin beynəlxalq və regional təhlükəsizlik məsələlərinə, iki ölkə arasında müdafiə sahəsində əməkdaşlığın bir sıra məsələlərinə toxunulub.