Azərbaycan liderinə sanksiyaları ləğv etmək və ölkəsi vasitəsilə birbaşa ikitərəfli ticarət üçün şərait yaratmaq qərarına görə minnətdarlığımı bildirirəm.
ONN media xəbər verir ki, bunu Qazaxıstan Prezidenti Qasım-Jomart Tokayev Ermənistanın Baş naziri Nikol Paşinyanla görüşündə deyib.
“Bu ilin noyabr ayında 1000 ton həcmində Qazaxıstan buğdasının ilk partiyası Azərbaycan ərazisi vasitəsilə Ermənistana çatdırılıb. Bu təşəbbüsün xüsusi siyasi və iqtisadi əhəmiyyəti var. Qazaxıstan Ermənistana müntəzəm olaraq yüksək keyfiyyətli taxıl məhsulları və digər mallar tədarük etməyə hazırdır. Bu sahəni daha da inkişaf etdirmək üçün bütün səylərimizi göstərməyə razılaşdıq. Prioritet vəzifələrdən biri iki ölkə arasında birbaşa hava əlaqələrinin açılması və hava yük daşımalarının təşkilidir. Bu sahədə artıq konkret planlar mövcuddur və tərəflər yaxın gələcəkdə onların həyata keçirilməsinə başlayacaqlar”, - o bildirib.
Tokayev həmçinin qeyd edib ki, Qazaxıstan “Tramp yolu” layihəsində iştirak etməkdə maraqlıdır.