“Azercell Telekom” MMC borcun ödənilməsi ilə bağlı Dövlət İmtahan Mərkəzi Publik Hüquqi Şəxsə qarşı məhkəmə iddiası qaldırıb.

ONN media xəbər verir ki, MMC 1 Saylı Bakı İnzibati-İqtisadi Məhkəməsinə təqdim etdiyi ərizədə DİM-dən 74,74 manat rabitə xidmətindən istifadə haqqının və 20 manat ödənilmiş dövlət rüsumunun, cəmi 94,74 manat vəsaitin məcburi tutulması haqqında məhkəmə əmri qəbul edilməsini xahiş edib.

Hakim Səbinə Nuriyevanın çıxardığı qərardada əsasən, tələb sadə yazılı formada bağlanmış əqdə əsaslanırsa, məhkəmə əmri verilə bilər. Lakin Mülki Prosessual Məcəlləyə görə, lisenziyalaşdırılan telekommunikasiya xidmətlərinin göstərilməsi ilə bağlı müqavilələr istisna təşkil edir. Məhkəmə əmrinin verilməsi haqqında ərizənin qəbul edilməsindən imtina olunub, lakin əlavə olunub ki, bu qərar “Azercell”in həmin tələb üzrə iddia icraatı qaydasında iddia verməsinə mane olmur.(qafqazinfo)

Bakı marafonuna nə qədər adam qeydiyyatdan keçib?

ONN İnformasiya Agentliyi
Çap Et