ONN MEDİA

Tofiq Tağızadənin Yaradıcılıq otağının açılışı olacaq

Tofiq Tağızadənin Yaradıcılıq otağının açılışı olacaq
13 Mart 2019 - 16:34

ONN media xəbər verir ki, mart ayının 14-də saat 12:00-da Cəfər Cabbarlı adına “Azərbaycanfilm” kinostudiyasında Azərbaycan kino sənətinin görkəmli nümayəndəsi, kinorejissor, ssenari müəlifi və aktyor, Xalq artisti Tofiq Tağızadənin 100 illiyi münasibətilə sənətkarın vaxtilə çalışdığı Yaradıcılıq otağının açılışı olacaq.

Tədbirdə görkəmli mədəniyyət və incəsənət xadimləri, sənətsevərlər və T.Tağızadənin ailə üzvləri iştirak edəcəklər.

Qeyd edək ki, bu il T.Tağızadənin anadan olmasının 100 ili tamam olur. Bununla əlaqədar olaraq Azərbaycan Respublikası Prezidenti İlham Əliyev “Tofiq Tağızadənin 100 illiyinin keçirilməsi haqqında” 24 yanvar 2019-cu il tarixli, 900 nömrəli Sərəncam imzalamışdır. Sərəncamın icrasını təmin temək məqsədilə Mədəniyyət Nazirliyi tərəfindən hazırlanan Tədbirlər Planına əsasən il ərzində Bakıda və ölkənin bölgələrində görkəmli sənətkarın yubileyi ilə bağlı silsilə tədbirlərin keçirilməsi nəzərdə tutulmuşdur.

İkinci dünya müharibəsinin iştirakçısı olan T.Tağızadə əmək fəaliyyətinə 1953-cü ildə “Azərbaycanfilm” kinostudiyasında başlayaraq 40 ildən artıq müddət ərzində Azərbaycan kinosunun inkişafına öz töhfəsini vermişdir.

1955-ci ildə çəkdiyi “Görüş” bədii filmi rejissora ilk şöhrət gətirmiş və  sonrakı illərdə Tofiq Tağızadə “Uzaq sahillərdə”, “Əsl dost”, “Arşın mal alan”, “Mən ki gözəl deyildim”, “Yeddi oğul istərəm”, “Dədə Qorqud”, “Evin kişisi”, “Babamızın babasının babası”, “Bağ mövsümü”, “O dünyadan salam” və digər yüksək bədii zövqü ilə seçilən filmlərə quruluş vermişdir.

image_printÇap Et
OXŞAR XƏBƏRLƏR
Şərhlər
Şərh yoxdur
ONN-agentlik.png ONN-agentlik.png ONN-agentlik.png

© Müəllif hüquqları qorunur. Powered by ONN GROUP