Bir neçə ay əvvəl sabiq baş nazir Novruz Məmmədovun Daxili İşlər Nazirliyində çalışmış oğlu, polkovnik-leytenant İsmayıl Məmmədovun təqaüdə göndərilməsi ilə bağlı yerli mediada məlumat yayılmışdı.

ONN media xəbər verir ki, Novruz Məmmədov Qaynarinfo.az-a açıqlamasında hazırda oğlunun hansı işlə məşğul olmasından danışıb.

“Oğlum öz istəyi ilə ərizə yazaraq təqaüdə çıxıb və bundan sonra hər hansı bir vəzifə tutmaq fikri yoxdur. Özüm də onun işlərinə qarışmıram. Deyirdi, “ata, alacağım təqaüdlə maaşım arasında fərq azdır”. Ona görə, təqaüdü seçdi. Hazırda heç bir işlə məşğul deyil. Vaxtını ailəsinə, övladlarına sərf edir”, – N.Məmmədov bildirib.

Sabiq baş nazir övladının biznesinin olmadığını da deyib:

Azərbaycanda yeddi saatlıq iş qrafikinə keçilə bilərmi? – AÇIQLAMA

“Oğlumun elə bir biznesi də yoxdur ki, onunla məşğul olsun. Bundan sonra da çətin ki, olsun. Bu, asan iş deyil”.

ONN İnformasiya Agentliyi
Çap Et