Ankaranın nəzarətində olan Türkiyə-Suriya sərhədində yaranan gərginlikdən dolayı dərin narahatıq. ONN media xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova deyib. “Dinc insanların həlak olduğu terror hücumlarını qınayırıq. Bu mənada Suriyada BMT Təhlükəsizlik Şurası tərəfindən tanınan terrorçularla mübarizənin davamanın alternativi olmadığını bir daha vurğulayırıq”, - deyə sözçü bildirib. Qeyd edək ki, bir neçə gün əvvəl Afrində PKK-YPG-nin törətdiyi güclü terakt nəticəsində xeyli insan həlak olmuş və yaralanmışdı.