Toy mərasimlərinin bərpası ölkənin sanitar-epidemioloji vəziyyətindən asılıdır. ONN media  xəbər verir ki, bunu Nazirlər Kabinetinin mətbuat katibi İbrahim Məmmədov Operativ Qərargahın brifinqində deyib. O bildirib ki, hər şey yoluxma statistikasından asılıdır. İ.Məmmədov iyun-iyul aylarına təyin olunmuş toyların taleyinə aydınlıq gətirməyib. TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva bildirib ki, toyların, yasların və digər tədbirlərin bərpa olunması barədə məsələ müzakirə olunur: "Lakin hazırkı vəziyyətdə bu mümkün deyil". Bakı Şəhər İcra Hakimiyyətinin başçısı Eldar Əzizov bağçaların açılmasının müzakirə mövzusu olmadığını qeyd edib.