Hər bir yoluxucu xəstəliyin xüsusiyyəti insandan insana yoluxmasıdır. ONN media  xəbər verir ki, bunu TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bugünkü brifinqində deyib: "Karantin rejimi başlamazdan əvvəl ailələr daxilində yoluxmalar varsa, bu davam edir. Bununla qarşısını ala bilmərik. Karantin rejimi yoluxmalarla sağalanların arasındakı fərqdən asılıdır. Biz bu virusla yaşamağa məcburuq, amma daima karantin rejimində yaşaya bilmərik. Bu gün müəyyən stabilləşmə olduğu üçün, bundan danışa bilirik. Lakin qarşıdakı günlərdə karantin rejiminin uzadılması epidemioloji göstəricilərdən asılıdır".