“İctimai nəqliyyatda vətəndaş 1 metr məsafə saxlayarsa, yoluxma təhlükəsi azalar. Biz KİV-in imkanlarından istifadə edərək maarifləndirmə tədbirlərini gücləndirməyə çalışırıq. Bununla bağlı xüsusi proqram hazırlanır”. ONN media  xəbər verir ki, bunu Bakı Şəhər İcra Hakimiyyətinin başçısı Eldar Əzizov Nazirlər Kabineti yanında Operativ Qərargahın brifinqində maskasız sərnişinlərin sürücülər tərəfindən avtobusa buraxılmaması mümkünlüyü bardə suala cavabında deyib. E. Əzizov deyib ki, marşrutlarda nəzarət gücləndirilir, amma vətəndaşlar özünü qorumağın zəruri olduğunu başa düşməlidir: “Bu olmasa, hansısa addımların atılması çətindir”.