Qırğızıstanda yeni hökumət qurulub.

ONN media xəbər verir ki, 120 mandatlı parlamentdə keçirilən səsvermə nəticəsində 56 yaşlı Kubatbek Boronov 31-ci Baş nazir seçilib.

Bundan başqa, səsvermədə hökumət proqramı, quruluşu və Nazirlər Kabineti müəyyən edilib. Nazirlər Kabinetində böyük dəyişikliklər aparılmayıb.

Qeyd edək ki, Qırğızıstanın son baş naziri Məhəmmədkalıy Abılqazıyev vəzifəsindən sui-istifadədə ittiham edilmiş və buna görə istefa vermişdi.

Məlumat üçün bildirək ki, Qırğızıstanın cənubundakı Oş bölgəsinin Özgən şəhərində dünyaya gələn Boronov Bişkek Texniki Universitetinin İnşaat Mühəndisliyi Fakültəsindən məzun olub. 2003-2018-ci illərdə Fövqəladə Hallar Nazirliyində müxtəlif vəzifələrdə çalışıb. O, Abılqazıyevin hökumətində baş nazirin I müavini və Milli Koronavirus ilə Mübarizə Qərargahının sədri vəzifəsində işləyib.