Bu gün Belarusda prezident seçkiləri keçirilir.

ONN media  xəbər verir ki, ölkənin hazırkı lideri Aleksandr Lukaşenko Belarus Dövlət Bədən Tərbiyəsi Universitetində yerləşən məntəqədə səs verib.

O, Seçki Komissiyasının üzvlərini salamlayıb və səsvermə prosesinin necə keçdiyindən xəbərdar olub.O, səsvermədən sonra jurnalistlərə açıqlama verib.

Qeyd edib ki, Belarusda prezident seçkilərində vəziyyət nəzarət altındadır: "Bu, təkcə prezidentin deyil, mövcud hökumətin də əsas vəzifəsidir".

Qeyd edək ki, iyulun 14-də Belarus Mərkəzi Seçki Komissiyası hazırkı prezident Aleksandr Lukaşenkonun, sabiq deputat Anna Kanopatskayanın, “Belorus Sosial-Demokratik Qramada” partiyasının sədri Sergey Çereçnyanın, “Düzünü danış” birliyinin həmsədri Andrey Dimitriyevin və tutulan bloger Sergey Tixanovskinin həyat yoldaşı Svetlana Tixanovskayanın ali dövlət postuna namizədliyini qeydə alıb.