6-cı dəfə Belarus Prezidenti seçilən Aleksandr Lukaşenkonun andiçmə mərasimi keçirilib. ONN media xəbər verir ki, paytaxt Minskdəki İstiqlal Sarayında baş tutan inaqurasiya mərasimindən sonra Lukaşenko rəsmi şəkildə prezident vəzifəsinin icrasına başlayıb. Mərasimdə dövlət rəsmiləri, millət vəkilləri, media rəhbərləri, mədəniyyət və idman xadimlərindən ibarət yüzlərlə insan iştirak edib. A.Lukaşenko konstitusiyaya əl basraq and içib, daha sonra ölkənin Mərkəzi Seçki Komissiyasının sədri Lidiya Yermoşina ona prezidentlik sənədini təqdim edib. Qeyd edək ki, 9 avqustda baş tutan seçkilərdə Lukaşenko 80,1 faiz səs toplamışdı.