Qarabağ məsələsi gəncliyimizdən qalan bir yara idi, türk ordularının sayəsində sağaldı. Ölkəmizdəki texnologiyanın bu mühüm hadisələrdə rol oynaması bizim üçün qürurvericidir. ONN media  xəbər verir ki, bunu “Bayraktar” PUA-larının yaradıcısı Səlcuq Bayraqdar “Vörd Net Sammit”də (World Net Summit) çıxış edərkən deyib. “Qarabağdakı zəfər təkcə texnologiya ilə qazanılmadı. Bunu edən insanlar, əsgərlər idi. Zəfərin əsl səbəbkarları şəhidlərimizdir. Texnologiya sadəcə vasitədir. Buna görə də əsgərlərimizi yetişdirən Azərbaycan xalqına təşəkkür edirəm, şəhidlərin ruhları şad olsun. Rəbbim rəhmət etsin!”, - o qeyd edib.