Ermənistan Müdafiə Nazirliyinin keçmiş rəsmi nümayəndəsi Artsrun Ovannisyan II Qarabağ savaşından sonra ilk dəfə olaraq, müharibə dövründəki fəaliyyətini şərh edib. ONN media  xəbər verir ki, Ovannisyan müharibə zamanı verdiyi məlumatları hamının diqqətlə analiz etməsini istəyib. O, müharibə zamanı açıqlamalarının bir hissəsinin döyüş ruhunun artırılmasına, digərinin isə ağır döyüşlər barədə məlumatlara əsaslandığını bildirib. Ovannisyan müharibə vaxtı “biz qalib gəlirik” yox, “biz qalib gələcəyik” həştəqindən istifadə etdiyini vurğulayıb. O, savaş dövründə bütün məlumatları siyasi rəhbərlikdən yox, Müdafiə Nazirliyi, Baş Qərargahdan aldığını söyləyib. Ovannisyan Şuşadakı situasiyanın kəskin şəkildə 6 noyabrdan sonra dəyişdiyini qeyd edib. O, bəzi məqamları indiyə qədər başa düşmədiyini bildirib: “Müharibədən bir neçə ay keçib. Bəzi şeyləri, xüsusilə 7-9 noyabrda baş verənləri analiz edə bilmirəm”.