Sumqayıt şəhərində 1981-ci il təvəllüdlü Elşən Babagül oğlu Mahmudovun gecə saatlarında intihara cəhd etməsi ilə bağlı polisə məlumat daxil olub.

ONN media xəbər verir ki, DİN-in Mətbuat xidmətindən bildirilib ki, əvvəllər Cinayət Məcəlləsinin 128, 180, 296-cı maddələri məhkum olunan şəxs yaşadığı evdə anası ilə mübahisə etdikdən sonra polis bölməsinin inzibati binasının yanında üzərinə yandırıcı maddə tökərək özünü yandırıb. O dərhal xəstəxanaya çatdırılıb, bütün tibbi müdaxilələrə baxmayaraq səhər saatlarında orada ölüb.

E.Mahmudovun polis orqanlarına hər hansı müraciəti olmayıb.

Araşdırma aparılır.