Azərbaycanın ali təhsil müəssisələrinin və Azərbaycan Milli Elmlər Akademiyasının (AMEA) magistraturalarına elektron ərizə qəbulunun vaxtı ərizələrini doldurmuş, lakin təsdiq etməmiş namizədlərin sayının çox olması nəzərə alınaraq 13 fevral saat 12:00-dək uzadılıb.

Bu barədə ONN media Dövlət İmtahan Mərkəzinin (DİM) saytına istinadən  məlumat verilib.

Bildirilib ki, ərizələrini doldurmuş, lakin hələ təsdiq etməmiş bakalavrlar qeyd olunan tarixədək elektron ərizələrini təsdiq edə bilərlər.

Qeyd olunub ki, 12 fevral saat 17:55-ə olan məlumata əsasən, 12260 bakalavr ərizə doldurub və onlardan 11731 nəfəri öz ərizəsini təsdiq edib.

Qarabağ universitetinin bukleti hazırlanıb

Elektron ərizələrini Sənəd Qəbulu Komissiyasında (SQK) təsdiq etdirməli olan namizədlərin nəzərinə çatdırılır ki, SQK 13 fevral saat 12:00-dək fəaliyyət göstərəcək. (Ünvan: Yasamal rayonu, Mikayıl Müşviq küçəsi, 1M).

ONN İnformasiya Agentliyi
Çap Et