ABŞ-ın xarici işlər naziri Mayk Pompeo müsəlman dünyasının Ramazan ayını təbrik edib.
ONN media xəbər verir ki, bu barədə nazirlik yazılı açıqlama verib. Açıqlamada deyilir:
“ABŞ xarici işlər nazirliyi adından dünyadakı müsəlmanlara sülhlə dolu müqəddəs Ramazan ayı üçün xoş niyyətlərimi çatdırıram”.
Amerikadakı müsəlman əhaliyə də xitab edən Pompeo açıqlamasında amerikalı müsəlmanların cəmiyyətə töhfə verdiyini bildirib. Qeyd edilib ki, ABŞ-ın xaricdəki diplomatik nümayəndəlikləri də Ramazan tədbirlərində iştirak edəcək. Müsəlmanlar və digər inanc sahibləri bir araya gələcək.