Bakıda mağazada oğurluq hadisəsi baş verib
ONN media xəbər verir ki, hadisə paytaxtın Bakıxanov qəsəbəsi, Sülh küçəsi, 16 ünvanında yerləşən mağazada olub.
Mağaza sahibi Təbriz Qasımov mağazada olarkən içərisində 1300 manat və iki mobil telefon olan çantasını piştaxtanın üzərinə qoyub.
Həmin vaxt təxminən 30 yaşlı müştəri həmin çantanı götürüb hadisə yerindən qaçıb.
Faktla bağlı Sabunçu rayon Polis İdarəsinin 13-cü polis bölməsində araşdırmalar aparılır.