Türkiyə Rusiyadan S-400 zenit-raket komplekslərini almaqdan imtina etməsi barədə məlumatları təkzib edib.

 

ONN media xəbər verir ki, bu barədə Türkiyə prezidentinin administrasiyasının kommunikasiyalar üzrə departamentinin rəhbəri Fəxrəttin Altun “Twitter” səhifəsində yazıb.

 

O bildirib ki, yayılan məlumatlar əsassızdır.

 

“Sizin mənbələr səhvdir. Məlumatı məndən alın: S-400-ün alınaması prosesi yekunlaşıb” , – deyə Altun qeyd edib.

 

Xatırladaq ki, “Bild” nəşri Türkiyədə lirənin məzənnəsinin düşməsi və ABŞ sanksiyalarının tətbiqi təhlükəsini nəzərə alaraq, rəsmi Ankaranın Rusiyadan S-400 zenit-raket komplekslərini almaqdan imtina etməsi barədə məlumat yaymışdı.