"Facebook" kənar tədbiqlərə istifadəçilərin məlumatlarının əldə edilməsinə məhdudiyyətlər qoyacaq.

ONN media xəbər verir ki, bu gündən etibarən "Facebook" (API) proqram interfeysi istifadə edən tədbiqlər qonaqlar siyahısına və "hadisə divarında" dərc edilən postlara giriş əldə edə bilməyəcək.

Gələcəkdə yalnız tərəfimizdən təsdiq edilən və ciddi tələblərə cavab verən tədbiqlər hadisəyə giriş əldə edə biləcək",-deyə şirkətin yaydığı bəyanatında deyilir. Sözügedən tədbirlər həmçinin istifadəçilərin daxil olduğu qruplara da şamil olunacaq.

Bundan əlavə "Facebook" istifadəçilərin dini və siyasi baxışlarını, münasibətlərinin vəziyyətini, dostlarının siyahısını, həmçinin təhsil və peşə fəaliyyətlərini əks etdirən məlumatlara girişi qadağan edəcək.