"Son günlər Bakı və Abşeron yarımadasında yağışlar yağsa da, elə də ciddi dəyişiklik müşahidə olunmayıb. Lakin bu o demək deyil ki, vəziyyət stabilləşib. Bayıl Yamacında sürüşmə zonasında aktivləşmə nəzərə çarpmasa da, gərginlik qalmaqdadır”. 

ONN media xəbər verir ki, bu sözləri  Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının dəstə rəisi Rafiq Həsənov deyib. R.Həsənov hazırda sürüşmə zonalarında geoloji prosesin davam etdiyini bildirib:

"Geoloji proses davam etdiyi üçün dinamikada aktivlik gözləniləndir. Masazırda, Nübar qəsəbəsi və "Zəli gölü” ərazisində nisbi aktivlik torpaq qatındakı çatların böyüməsində də özünü göstərir. Zığ qəsəbəsində lokal sahələrdə prosesin dinamikasında aktivlik qeydə alınıb”.