ONN media Sfera.az-a istinadən xəbər verir ki, bir neçə aydır ki, Bayıl yamacında sürüşmə aktivliyinin artması müşahidə olunur. Son bir neçə həftədir ki, ərazidə vəziyyətin sabitləşdiyi bildirilib.

Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının dəstə rəisi Rafiq Həsənov saytımıza sürüşmə prosesinin dayanmadığını bildirib.

"Hazırda ərazidə aktivlik müşahidə edilmir. Lakin bu o demək deyil ki, sürüşmə prosesi dayandırılıb. Xeyr, ərazidə vəziyyət gərgin olaraq qalır. Geoloji proses davam edir”.