ONN media xəbər verir ki, seçkilərin ümumi nəticələri təsdiq edilməmiş hər hansı bələdiyyə üzrə təkrar seçkilərdən danışmaq olmaz.

Qeyd edək ki, Mərkəzi Seçki Komissiyası (MSK) İmişli rayonunun Ağcüyür və Bəcirəvan kəndlərini əhatə edən Bəcirəvan bələdiyyəsi üzrə keçirilən seçkilərin nəticələrini fevralın 3-də ləğv edib.

Məlumat üçün bildirək ki, Seçki Məcəlləsinə görə, bələdiyyə üzvləri tam tərkibdə seçilmədikdə, yaxud onların səlahiyyətlərinə vaxtından əvvəl xitam verildikdə və bunun nəticəsində bələdiyyənin tərkibi 2/3 hissədən az olduqda MSK-nın qərarı ilə əlavə seçki keçirilir.

“Azərbaycan Respublikasında bələdiyyə seçkilərinin hazırlanıb keçirilməsi üzrə əsas hərəkət və tədbirlərin Təqvim Planı”na əsasən, müraciətlərə baxılması fevralın 23-ü, yəni seçkilərin yekunlarının elan edilməsinə qədər aparılacaq.