ONN media xəbər verir ki, hadisədən sonra tələbələr məsul şəxslərin məsuliyyətə cəlb olunmadığı, korrupsiya iddialarının ört-basdır edildiyi ittihamları ilə küçələrə axışıb. Müxalifət əhalini yanvarın 24-də ümumi tətilə çağırıb.

Bu faciəli hadisədən sonra tələbələr silsilə tələblər irəli sürürlər, xüsusən də günahkarların məsuliyyətə cəlb edilməsini tələb edirlər. Ekoloji tələbləri də olan tələbələr “Jadar” layihəsinin və digərlərinin ləğvini, ətraf mühitə zərər verən fəaliyyətlərə ciddi nəzarət edilməsini tələb edirlər.

Təhsil büdcəsinin artırılması, tələbələr üçün daha çox təqaüd kvotasının verilməsi, minimum əmək haqqının artırılması, kənd təsərrüfatı məhsullarının dövlət satınalma zəmanəti ilə dəstəklənməsi, dövlətə yeni borc müqavilələrinin bağlanmaması, müharibə bölgələrinə silah ixracının dayandırılması tələbələrin dilə gətirdiyi mühüm tələblər sırasındadır.

Prezident Aleksandar Vuçiç qatar stansiyasının tikintisi ilə bağlı bəzi məxfi sənədləri ictimaiyyətlə paylaşsa da, tələbələr açıqlanan sənədlərin natamam və qeyri-kafi olduğunu iddia edirlər