Avropada hərbi robotların hazırlanması üçün 590 milyon dollar vəsait ayrılacaq.

ONN media xəbər verir ki, Avropa Müdafiə Fondunun yaydığı məlumata görə, yaxın gələcəkdə əksər silah istehsalçılarının bu layihədə iştirak edəcəyi gözlənilir. İlkin ehtimallara görə, hərbi robotların hazırlanmasına təxminən 590 milyon dollara qədər pul ayrılacaq.

Bundan başqa, Avropa istehsalçıları tərəfindən döyüş robotlarının əsas hissəsi neyron şəbəkələrinin və insanın nəzarət etmədiyi zaman müstəqil öyrənən süni intellekt proqramlarının tətbiqi ilə yaradılması planlaşdırılır.

Məlumatda o da qeyd edilir ki, hərbi robotların yaradılmasını tənzimləyən qanun layihəsi bir sıra rəsmi şəxslər tərəfindən mənfi qarşılanıb. Avropa Parlamentinin deputatları isə bu tip qurğuların yaradılmasının etikadan kənar olduğunu irəli sürərək, bunun bəşəriyyətin mövcudluğu üçün birbaşa təhlükə adlandırıblar.