Avstraliyalı futbolçu Sam Ballardın həyatı 2010-cu ildə qatıldığı doğum günü məclisindən kabusa çevrilib.

ONN media metbuat.az-a istinadla bildirir ki, Sam dostları ilə mərcə girərək ilbiz yeyib. Həmin zaman 19 yaşında olan Sam bir neçə gün sonra mədəsində ağrılar hiss etməyə başlayıb. Ağrılar artdıqda isə həkimə müraciət edib. Sam yediyi ilbizdən ağ ciyər qurduna yoluxduğunu öyrənib. Gənc adam bir müddət sonra komaya düşüb. Xəstəlik Samın beynində ciddi zədələrə səbəb olub.
3 il müddətində komada yatan adam oyandıqda belindən aşağı hissəni hiss etməyib. Baxıma möhtac halda yaşayan 28 yaşlı Sam ötən günlərdə həyatını itirib.