Türkiyədə yaşayan 28 yaşlı azərbaycanlı Elnur Qələndərli uzun müddətdir itkin düşüb.

ONN media   xəbər verir ki, bu barədə “Report”a onun atası Əziz Qələndərli xəbər verib.

Onun sözlərinə görə, oğlu ilə əlaqə 2016-cı ilin martında kəsilib:

“Oğlum 1992-ci ilin iyulun 22-də Qazax şəhərində doğulub. Qazax şəhərində marketdə işləyib. 2016-cı il fevralın sonunda İstanbula gedib. Üsküdarda işləməyə başlayıb. Tez-tez telefonla danışırdıq. Martın əvvəlində zəng etdik, telefonu bağlı idi. Həmin gündən indiyə kimi ondan heç bir xəbər ala bilmədik”.

Oğlu ilə əlaqəsi kəsilən Ə.Qələndərli onu axtarmaq üçün İstanbula gedib:

Hərbiçimiz vəfat etdi

“Elə həmin ildən İstanbula gedərək, oğlumu itkin düşdüyü şəhərdə axtarmağa başladım. Türkiyənin bir çox şəhərlərinə getdim. Polisə də müraciət etdim. Onlar da axtarırlar. Lakin ondan heç bir xəbər yoxdur.

Oğlumu tanıyan, yerini bilən hər kəsdən kömək gözləyirəm”.

ONN İnformasiya Agentliyi
Çap Et