ONN media xəbər verir ki, mövsümün ən yaxşı oyunçusu PSJ-nin vingeri Usman Dembele seçilib. Ən böyük ümid nominasiyasında Paris klubunun vingeri Dezire Due qalib olub. Eyni zamanda mövsümün ən yaxşı məşqçisi mükafatında qalib Fransa çempionunu çalışdıran Luis Enrike olub.

Yalnız ən yaxşı qapıçı nominasiyasında qalib PSJ-dən olmayıb. “Lill”in qolkiperi Luka Şevalye mövsümün ən yaxşısı seçilməyi bacarıb.

Xaricdə çıxış edən ən yaxşı fransız futbolçu isə “Real”ın forvardı Kilian Mbappe olub.

Liqa 1-in rəmzi heyəti də təqdim edilib. Futbolçu sayında üstünlük burada da çempion PSJ-dən yana olub. Rəmzi komandada paytaxt klubunun 9 oyunçusu yer alıb. Bundan əlavə, "Lion" və "Lill" klublarından da hərəyə bir futbolçu seçilib.

Qapıçı: Luka Şevalye (“Lill”)

Müdafiəçilər: Əşrəf Hakimi, Markinyos, Vilyam Paço, Nunu Mendeş (hamısı PSJ)

Yarımmüdafiəçilər: Joao Neves, Vitinya (hər ikisi PSJ), Rayan Şerki (Lion)

Hücumçular: Usman Dembele, Bredli Barkola, Dezire Due (hamısı PSJ)