Baş nazir Novruz Məmmədovun rəhbərliyi ilə aidiyyati qurumların rəhbərlərinin iştirakı ilə " Aqrarkredit" QSC tərəfindən Azərbaycan Beynəlxalq Bankından alınmış problemli aktivlərin əvəzində əldə edilmiş nəqliyyat vasitələrinin səmərəli istifadə məsələsi müzakirə edilib.

Nazirlər Kabinetindən ONN media-ya verilən məlumata görə, iclasda İqtisadiyyat Nazirliyi, Maliyyə Nazirliyi, Nəqliyyat, Rabitə və Yüksək Texnologiyalar Nazirliyi, Ədliyyə Nazirliyi, Dövlət Gömrük Komitəsi, Əmək Məslələri Dövlət Komitəsi, Bakı Nəqliyyat Agentliyi, Aqrarkredit QSC, Azərbaycan Sənaye Korporasiyası ASC-nin rəhbərləri iştirak edib.

"Azərbaycan Beynəlxalq Bankı" Açıq Səhmdar Cəmiyyətinin dövlətə məxsus səhmlərinin özəlləşdirilməyə hazırlanması ilə bağlı sağlamlaşdırılması tədbirləri haqqında" Azərbaycan Respublikası Prezidentinin 2015-ci il 15iyul tarixli 570 nömrəli Fərmanının icrasının təmin edilməsi istiqamətində müzakirələr aparılıb və aidiyyatı qurumların rəhbərlərinə konkret tapşırıqlar verilib.