“Qəbul edilən bəyanatın yenidən yazılması cəhdlərini görmürük. Düzgün anlayıramsa, hazırda Ermənistanda qəliz müzakirələr gedir. Öz ölkəsinin maraqlarını dəstəkləmək üçün birləşən 17 partiya bəyanatın birmənalı olaraq hər hansısa dəyişikliyə uğramasına qarşı çıxıblar”. ONN media  xəbər verir ki, bu fikirləri Rusiyanın xarici işlər naziri Sergey Lavrov söyləyib. O bildirib: “Biz buna istinad edirik və belə bir cəhdlərin olmaması üçün əlimizdən gələni edəcəyik”. XİN başçısı həmçinin ABŞ Dövlət Departamentinin Azərbaycan, Rusiya və Ermənistan liderlərinin bəyanatının detallarının izahının vacibliyi barədə açıqlamasını anlaqsız sayır.