Fevralın 5-də Şamaxı, İsmayıllı, Lerik və Ağsu rayonları ərazisində baş verən zəlzələ zamanı xəsarət alanlardan yalnız bir nəfərin müalicəsi davam etdirilir.
Səhiyyə Nazirliyindən ONN media-ya verilən məlumata görə, müraciət edənlərin hamısının vəziyyəti stabilləşdikdən sonra evə buraxılıblar. Hadisə zamanı həyəcandan beyinə qan sızması nəticəsində Şamaxı Rayon Mərkəzi Xəstəxanasının reanimasiya şöbəsində müalicə olunan 58 yaşlı sakinin vəziyyəti də stabilləşib və yaxşılaşma müşahidə edilir.