“Görüşlər keçirildi, birgə fəaliyyət davam edir”. ONN media  xəbər verir ki, bu sözləri Türkiyənin Milli Müdafiə naziri Hulusi Akar Türk-Rus heyətlərinin Dağlıq Qarabağla bağlı keçirilən müzakirələri barədə danışarkən deyib. O, Dağlıq Qarabağla bağlı razılaşma əldə olunandan sonra Türkiyə və Rusiya Müdafiə Nazirlikləri arasında bəyanat imzalandığını xatırladıb: “Bunların hamısı çərçivədir. Bunun içini doldurmaq üçün işləmək lazımdır. Bununla bağlı geniş texniki heyət Rusiyadan gəldi. Görüşlər keçirildi, birgə fəaliyyətimiz davam edir”. Akar Ermənistanın işğal etdiyi ərazilərdən çıxarkən yaşayış evləri və meşələri yandıranları sərt dillə qınayıb.